Islom Rashidxonov: "Durangdan qoniqdik, axir raqib "Nasaf" edi"

Superliganing 4-turidan o'rin olgan "Nasaf" hamda "Navbahor" jamoalari o'rtasidagi o'yindan so'ng "lochinlar" yarim himoyachisi Islom Rashidxonov o'z fikrlari bilan o'rtoqlashdi.

"Uzoq tanaffusdan so'ng avvalgi formaga kirib olish uchun 2-3ta o'yin kerak bo'ladi. Hozircha barcha jamoalarni holati bir xil. Muhimi Superliganing qaytganidan juda ham xursandman.

Muxlislarning yo'qligi hamma jamoalardan ko'ra ko'proq bizga ta'sir qilsa kerak, sababi o'ziz bilasiz bizning muxlislar haqiqiy 12-o'yinchimiz. Biz ularni ekran ortidan muxlislik qilishayotganini sezib turibmiz. Tez orada ularni yana stadionlarda ko'ramiz"

Sobiq jamoasiga qarshi o'yin haqida

"To'g'risini aytaman, juda ham hayajonlandim. Sababi "Nasaf"da tanilib, shu jamoada tarbiya topganman. "Nasaf" to'p nazorati bo'yicha O'zbekistondagi eng yaxshi klublardan biri hisoblanadi. Ular istalgan jamoani mag'lub etishga qodir. Shu sababli durangdan qoniqdik desam ham bo'ladi. Agar so'nggi daqiqalarda diqqatni yo'qotmaganimizda balki safardan 3 ochko bilan qaytayotgan bo'lardik. Ammo 1 ochko ham yomon emas, chunki raqib "Nasaf", -deydi futbolchi saytimiz uchun bergan intervyusida.