«Manchester Yunayted» g'alabalarining siri Sulsher bilan bog'liqmi?!

Yangi bosh murabbiy sifatida ommaga tanishtirilgan Sulsher janoblari hozirda «qizil iblislarni» ajoyib tarzda boshqarmoqda. Debyutant murabbiy uchun bu qoyilmaqom natija. Bugun bu natijaning siri nimada ekanligini topishga urunib ko'ramiz.

Psixologiya

Sulsher deyarli etti yil avval ishlagan insonlari bilan ham juda iliq munosabatda bo'lar ekan. Klub bazasida ishlaydigan farrosh ayol o'glining, yoki hisobchining qizi ismini aytib, uning sog'lig'i va o'qishi haqida qiziqib turadi. Klub personal xizmati bilan Sulsher doim pozitiv kayfiyat va muloqatga tez kirishib keta olishi bilan avvalgi murabbiydan mutloq farq qiladi.

Sulsher haqida «Manchester Yunayted» futbolchilari tomonidan berilgan ta'riflarni keltirib o'tamiz

Jessi Lingard

U hamma taqiqlarni olib tashladi. Biz endi mashg'ulotlarda, asosan, to'p bilan shug'ilanyapmiz, taktik mashqlarni ancha kamaytirganmiz. Huddi qamoqdan chiqgan odamdek o'zimizni erkin his qilmoqdamiz

Markus Rashford

U haqiqy motivator. Bizga etishmayotgan narsani u topa oldi. Sulsher biz bilan soatlab muloqot qiladi. Doim hazillashadi, bizni kayfiyatimizni ko'tarishga urunadi. O'yinlarda xato qilib qo'ysak, video tasmada butun jamoa oldida izza qilmaydi. Jamoamizning ichki muhiti hozirda a'lo darjada

Taktika

Bu borada Sulsherga omad kulib boqdi. U Aleks Fergusson bilan uzoq muddat ish olib borgan Maykl Felanni o'z shtabiga qo'shib oldi. Fergusson maktabining so'nggi bitiruvchilaridan biri bo'lgan Shotlandiyalik mutaxassis jamoaga avvalgi «Yunayted»ning o'yin uslubini singdirishda qo'l kelmoqda. Felanning asosiy vazifasi raqiblar o'yinini tahlil qilish va tarkibni optimal holatda saqlab turishdan iborat. Aleks Fergussonning iltimosiga ko'ra Felan yana jamoa strukturasiga ishga qaytdi.

Hozirrcha Sulsher janoblari inqilobiy taktik o'zgarishni amalga oshirganicha yo'q. Fergi bobo uslubidan foydalanishda davom etmoqda.

Uning ilk jiddiy to'qnashuvi Tottenhem jamoasigaqarshi kechgan uchrashuvga to'g'ri keldi. Taktik futbolni sevadigan Pochetinyo o'sha uchrashuvda qanotlarga tayangan hujumkor jamoani maydonga tashlagan edi.

Sulshser esa «aldamchi 9-raqam»uslubidan foydalandi va nominal hujumchisiz uchrashuvni boshladi. Asosan, qanotlardan uyishtirilgan qarshi hujum evaziga Reshford hisobni ochadi. Keyin nima bo'lgani esingizda bor. Pochetinyo birin-ketin o'yinchilarni almashtirib Sulsherningtaktikasini sochib yubordi. O'sha kuni David de xea bo'lmaganida «Manchester-Yunayted» ancha qiyin ahvolda qolgan bo'lardi.

Xato va kamchiliklar

Sulsherning jamoasida hozircha muayyan bir o'yin taktikasi mavjud emas. APL dek turnirda ishtirok etayotgan Gvardiola, Klopp, Pochetinyo singari kuchli taktik murabbiylarga qarshi tengma – teng olishish uchun motivatsiyaning o'zi kamlik qiladi. Sulsher janoblari o'z ustida ishlashda davom etsa, APL dagi eng kuchli murabbiylardan biri bo'la oladi. Sababi, uning potentsiyali juda yuqori. Faqat uni yuzaga chiqara olish kerak, xolos.