Fakt: "Bunyodkor" va "Qo'qon-1912" jamoalari o'rtasidagi o'zaro uchrashuvlarda durang natija qayd etilmagan

Superliga 4-turining ilk o'yini "Bunyodkor" va "Qo'qon-1912" jamoalari o'rtasida kechadi. Ushbu jamoalar hozirga qadar chempionat doirasida 10 bor to'qnash kelishgan. 7 bahsda "qaldirg'ochlar", 3 bellashuvda esa qo'qonliklar zafar quchishgan. Mazkur jamoalar o'rtasidagi o'zaro uchrashuvlarda durang natija qayd etilmagan. To'plar nisbati 21:11, "Bunyodkor" foydasiga.

"Qo'qon-1912"ning o'zaro o'yinlardagi eng yirik g'alabasi 3:0 ni tashkil etadi. Toshkentliklar esa 2015-yilgi mavsum "Qo'qon-1912" darvozasiga javobsiz 5 ta to'p kiritganlar.

Mazkur bellashuv soat 19:00 da "Sport" telekanali orqali jonli efirda namoyish etiladi.