Ronaldu bir yarim yil ichida ilk marta penaltidan gol ura olmadi (video)

«Yuventus» hujumchisi Krishtianu Ronaldu Italiya kubogining yarim final bosqichi doirasida «Milan»ga qarshi bo'lib o'tayotgan uchrashuvda penaltidan gol ura olmadi.

Bahsning 16-daqiqasida hakam videotakrorni tomosha qilgach, "rossoneri" darvoza tomon 11 metrli jarima zarbasi belgiladi. Krishtianuning zarbasidan keyin to'p ustunga tegib qaytdi.

«Milan» esa darhol maydonda bir kishi kam bo'lib qoldi. Hujumchi Ante Rebich oyog'ini baland ko'tarib, raqib yuziga tepib yuborgani uchun maydondan chetlatildi.

Ronaldu so'nggi marta 2019 yilning yanvar oyidan penaltidan unumli foydalana olmagan edi.

Manba: www.stadion.uz.

Krishtianu tomonidan "Milan" darvozasiga yo'llangan penalti videolavhasini telegramdagi kanalimiz orqali tomosha qilishingiz mumkin.