Van Deyk «Liverpul» tarixidagi eng ko'p maosh oladigan futbolchiga aylanadi

Himoyachi Virjil van Deyk «Liverpul» bilan yangi shartnoma imzolaydi va klub tarixidagi eng ko'p maosh oladigan futbolchiga aylanadi. Bu haqda "The Sun" xabar tarqatdi.

Niderlandiyalik futbolchi yana 5 yillik shartnomaga imzo chekadi. Bu vaqt davomida u 57 mln funt ishlab topadi. Uning haftalik maoshi 220 ming funt sterlingga teng bo'ladi.

Hozirgi paytda mersisaydliklarning eng ko'p maosh oladigan o'yinchisi Muhammad Saloh hisoblanadi. Uning haftalik maoshi 200 ming funtga teng.

Van Deyk 2018 yilning yanvar oyida 75 mln funt sterling evaziga «Sautgempton»dan «Liverpul»ga o'tgan edi. Joriy mavsumda u barcha musobaqalar doirasida 41ta o'yinda maydonga tushib, 4ta gol urdi va 2ta golga uzatma berdi.