Og'ir atletikachilarimiz Misrdagi reyting turnirida medallar shodasiga ega chiqishdi

Og'ir atletikachilarimiz Misr poytaxti Qohira shahridagi reyting turnirida ishtirok etayotganliklari haqida xabar bergandik.

Bugun ayollar o'rtasida -87 kg vazn toifasida bahslar o'tkazildi. Ushbu vaznda yurtimiz sharafini Dolera Davronova himoya qildi. Quvonarlisi, hamyurtimiz dast ko'tarishda 83 kg., siltab ko'tarishda 119 kg., umumiy hisobda 202 kg. toshni o'ziga bo'ysundirdi va har uchchala yo'nalish bo'yicha oltin medalga ega chiqdi.

Avvalroq, Muattar Nabieva (-55 kg) uchta oltin, Tursunoy Jabborova bronza (-76 kg) medallarini qo'lga kiritganligi haqida xabar qilgandik. Shu tariqa, sportchilarimiz Olimpiya o'yinlariga reyting taqdim etuvchi musobaqani 6 ta oltin, 1 ta bronza medali bilan yakunladilar.