"Inter" yangi transferni rasmiylashtirish arafasida turibdi

Italiyaning "Inter" klubi "Breshia" klubi yarim himoyachisi Sandro Tonalini o'z safiga qo'shib olish uchun juda yaqin turibdi, deya xabar bermoqda Sky Sport Italia.

Manbaning yozishicha, ushbu bitimning narxi 30 million evroni tashkil qiladi. Qayd etilishicha, tomonlar shartnoma va transferning barcha qismlarini kelishib olishdi.

Tonali "Inter" klubi bilan yiliga 2,5 million evro maoshlik to'rt yillik shartnoma imzolashi kutilmoqda.

Avvalroq, "Breshia" o'z futbolchisi uchun 50 million evro talab qilayotgani haqida xabarlar tarqatilgandi.