«Lion» futbolchisining xaridorlari ko'payib bormoqda

Frantsiyaning «Lion» klubi yarim himoyachisi Ussem Auarga Evropaning bir qator top-klublari qiziqish bildirishda davom etishmoqda.

Italiya matbuotining tarqatgan ma'lumotiga qaraganda, «Yuventus», PSJ, «Manchester Siti» va «Manchester Yunayted» klublari shu yilning yozida Auarni sotib olishga harakat qiladi. Uning transfer narxi 50 million evro atrofida baholanmoqda.

Avvalroq, Auarning xizmatiga Madridning «Real» klubi ham qiziqish bildirayotgani haqida xabarlar tarqalgandi.