So'ngi transfer yangiliklar
Messi Realga o'tmoqchi !!!
AslFUTBOL.NET - Asl Futbol muxlislar sayti
O'zbekiston kamondan otish federatsiyasi raisi Otabek Imomov Turkiyada uch tomonlama uchrashuvda ishtirok etdi
/ Kiritdi: BestMaster Ko'rilgan: 1323
O'zbekiston kamondan otish federatsiyasi xalqaro aloqalarni mustahkamlash orqali mamlakatimizda mazkur sport turini rivojlantirishni maqsad qilib qo'ygan.
Bu yo'lda Turkiya kamondan otish federatsiyasi bilan yaqindan hamkorlik qilinmoqda. Shu munosabat bilan kecha, 22 yanvar kuni O'zbekiston kamondan otish federatsiyasi raisi Otabek Imomov Turkiyada uch tomonlama uchrashuvda qatnashdi. Unda Turkiya kamondan otish federatsiyasi prezidenti, Turkiya kamonchilar Fondi rahbari Xaydar Ali Yildiz va Butunjahon etnik sport turlari konfederatsiyasi prezidenti Bilol Erdogan ham ishtirok etdi.
Uchrashuv davomida tomonlar O'zbekistonda kamondan otish sport turini rivojlantirish, o'zaro hamkorlik rishtalarini mustahkamlash va kamondan otish an'ana va qadriyatlarini saqlab qolish bo'yicha uch tomonlama memorandum imzoladilar.
Shuningdek, O'zbekiston va Turkiyada musobaqalar o'tkazish, qo'shma o'quv-mashg'ulot yig'inlari tashkil etish, terma jamoa murabbiylari va sportchilari uchun dastur ishlab chiqish masalalarida fikr almashildi.
Yuqori ruxda tashkil etilgan uchrashuvda Haydar Ali Yildiz va Bilol Erdogan ushbu hamkorlik nafaqat kamondan otish, balki boshqa sport turlarini ham rivojlantirish yo'lida muhim ahamiyat kasb etishini ta'kidlashdi.