«Metallurg» - «Lokomotiv» o'yini nima uchun Toshkentga ko'chirilgani ma'lum bo'ldi

Superliganing 4-turidan o'rin olgan «Metallurg» - «Lokomotiv» uchrashuvi Bekoboddan Toshkentga ko'chirildi. Buning sababini O'zPFL bosh direktori vazifasini bajaruvchi Diyor Imomxo'jaev o'zining telegramdagi kanali orqali tushuntirib o'tdi.

"Karantin davrida albatta o'zgarishlar bo'ladi. Bekobod qizil hudud ekanidan kelib chiqib, 15 iyun kuni shu shaharda o'tishi kerak bo'lgan Coca Cola Superliga uchrashuvi Toshkent shahriga ko'chadi. Ya'ni, "Lokomotiv" o'z uyida "Metallurg"ni qabul qiladi. Ikkinchi davrada "temiryo'lchilar" Bekobodda mehmon bo'lishadi", deya xabar berdi D.Imomxo'jaev.