«MYu» Igaloning ijarasi uchun qancha to'lashi ma'lum bo'ldi

"Manchester Yunayted" Xitoyning "Shangxay Shenxua" klubi bilan hujumchi Odion Igaloning ijara muddatini 2021 yilning 30 yanvariga qadar uzaytirish borasida kelishuvga erishdi.

"The Times" tarqatgan xabarga ko'ra, "qizil iblislar" nigeriyalik futbolchining ijarasi uchun xitoyliklarga 6 mln evro to'laydi. Mankunianliklar Igaloning o'ziga 100 ming funt miqdorida haftalik maosh to'lashadi.

Odion joriy yilning yanvar oyida "MYu" safiga o'tgan edi. U barcha musobaqalar doirasida 8ta o'yinda maydonga tushib, 4ta gol urdi va bitta golga uzatma berdi.

Manba: football.ua