Balotelli «Breshiya»dan o'zini tarkibga qaytarishlarini so'ramoqda

«Breshiya» hujumchisi Mario Balotelli o'zini tarkibga qaytarishlarini yoki yirik miqdorda kompensatsiya mablag'ini talab qilmoqda. Bu haqda jurnalist Nikolo Skira xabar tarqatdi.

Tomonlar hozirda huquqshunoslarni yollagan holda mazkur ish bilan shug'ullanishmoqda. Ish sudgacha ham etib borishi mumkin.

Avvalroq «Breshiya» Balotellini mashg'ulotdan chetlatib, uni yoshlar jamoasi mashg'ulot maydoniga o'tkazib qo'ygani haqida xabar tarqatilgan edi. Klubning italiyalik futbolchidan hafsalasi pir bo'lgan. Shu bois, Mario yozda jamoani tark etadi.