O'zbekiston terma jamoasi darvozaboni «Navbahor»ga o'tdi

Qrimda yangi mavsumga tayyorgarlik ko'rayotgan "Navbahor" tarkibiga yangi futbolchi kelib qo'shildi.

O'zbekiston terma jamoasi bilan Osiyo Kubogida ishtirok etgan Aziz Turg'unboev va O'tkir Yusupov jamoaning Qrimdagi qarorgohiga etib kelishdi.

Aziz Turg'unboev bilan bog'liq chigal vaziyatni rahbarlar hal etadigan bo'lishdi. Futbolchi «Paxtakor»da o'ynamasligini murabbiylarga aytgan.

«Qo'qon-1912» darvozasini ishonchli qo'riqlagan O'tkir Yusupov yangi mavsumni "Navbahor"da boshlashi aniq bo'lib ulgurdi.

Faqatgina Davron Hoshimov masalasi ochiq turibdi. Katta ehtimol bilan u yangi mavsumni boshqa jamoada boshlashi kutilmoqda. Lekin rahbariyat Hoshimov uchun kurashdan chiqqani yo'q.