Marat Bikmaev «Paxtakor»ga o'tdi?

O'zbekiston terma jamoasi va "Lokomotiv" klubi hujumchisi Marat Bikmaev faoliyatini "Paxtakor"da davom ettirishi mumkin.

Ma'lumotlarga qaraganda, u Shota Arveladze jamoasi bilan shartnoma imzolaydi. Bu haqda "Lokomotiv" klubi xodimi Ma'mur Mamadaliev o'zining Tvitterdagi sahifasida xabar tarqatdi.

"Marat Bikmaev — "Paxtakor" futbolchisi. "Paxtakor"ga Osiyo chempionlar ligasida omad", — deya ma'lumot qoldirdi Ma'mur Mamadaliev.

"Paxtakor" futbol klubi ham ushbu transferni yaqin orada e'lon qilishi kutilmoqda.