Ispaniya kubogi. Messi va Buskets «Sevilya»ga qarshi o'yinda ishtirok etmaydi

Ispaniya kubogining chorak final bosqichida «Barselona» «Sevilya»ga qarshi bahs olib boradi. Kataloniyaliklar bosh murabbiyi Ernesto Valverde mazkur o'yinda jamoa etakchilari — Lionel Messi va Serxio Busketsga dam berishga qaror qildi.

Usmon Dembele, Rafinya va Samuel Umtiti jarohat tufayli qaydnomadan o'rin olishmagan bo'lsa, Jeyson Murilo sariq kartochkalar yig'ilib qolgani bois o'yinni o'tkazib yuboradi.

Kuni kecha "Barsa" a'zosiga aylangan Kevin-Prins Boateng esa kengaytirilgan tarkibdan o'rin oldi.

"Barselona"ning "Sevilya"ga qarshi o'yin uchun kengaytirilgan ro'yxati:

Darvozabonlar: Mark-Andre ter Stegen, Yasper Sillessen

Himoyachilar: Nelson Semedu, Jerar Pike, Kleman Langle, Jordi Alba, Serji Roberto, Tomas Vermalen

Yarim himoyachilar: Ivan Rakitich, Denis Suares, Filippe Koutino, Artur, Karles Alenya, Arturo Vidal, Rikard Puch, Oriol Buskets.

Hujumchilar: Luis Suares, Malkom, Kevin-Prins Boateng

«Sevilya» – «Barselona» 23 yanvardan 24 yanvarga o'tar kechasi Toshkent vaqti bilan 01:30da boshlanadi.