Klopp: «Liverpul» qaerda chempionlikni qo'lga kiritishining ahamiyati yo'q»

«Liverpul» bosh murabbiyi Yurgen Klopp boshlanishi kutilayotgan Angliya chempionati borasida o'z fikrini bildirib o'tdi.

"Biz sovrinni bo'sh stadionda qo'lga kiritsak ham, bu men uchun muhim kun bo'ladi. Bu hodisa "Enfild"da ro'y bersa yaxshi bo'lardi. Lekin, ochig'ini aytsam, menga farqi yo'q.

Eshitishimcha, ba'zi uchrashuv neytral maydonda o'tkazilar ekan. Nima bo'lishidan qat'i nazar, vaqti kelib bizga fanatlar bilan bayram qilishga ruxsat berishadi. Bunga ijozat berilganida chempionlikni nishonlaymiz", — dedi Klopp.