Useyn Bolt futbolchi bo'lish fikridan qaytdi

Yugirish bo'yicha 8 karra olimpiada chempioni Useyn Bolt futbolchilik faoliyatini davom ettirmasligini aytdi.

"Vazifani eplolmadim deb aytolmayman, ammo hammasini to'g'ri qildim deb o'ylayman. Men bundan kerakli xulosalarni chiqarib oldim va ko'p narsani o'rgandim.

Menga futbol jamoasi ichida bo'lish yoqdi, bu engil atletikadan farq qilar ekan. Bu juda quvnoq sarguzasht bo'ldi, ammo yakuniga etdi.

Sportdagi faoliyatimni yakunlayman. Endi muvaffaqiyatli tadbirkor bo'lmoqchiman, loyihalarim ham ko'p", — deb Bolt so'zlarini keltirmoqda ESPN.

Ma'lumot uchun, Bolt Avstraliyaning "Sentral Kost Mariners" klubida bir qancha o'rtoqlik o'yinlarini o'tkazdi, biroq professional shartnoma haqida kelisholmadi. Keyinchalik u Maltaning "Valetta" klubi bilan 2 yillik shartnomani imzolashni istamadi.