Sabina Tashkenbaevaning Estoniyadagi muvaffaqiyati

8-9 dekabr kunlari Estoniya poytaxti Tallin shahrida badiiy gimnastika bo'yicha «Christmas cup» xalqaro turniri bo'lib o'tdi. Musobaqada 9 mamlakatdan 341 nafar sportchi ishtirok etdi. Quvonarlisi, turnir yakuniga ko'ra hamyurtimiz Sabina Tashkenbaeva barcha yo'nalishlar – ko'pkurash, halqa, koptok va tasma bilan mashqlarda oltin medalga ega chiqdi.

Musobaqada shuningdek, boshqa bir hamyurtimiz Ekaterina Fetisova ham ishtirok etdi va bulava bilan mashqlarda shohsupaning ikkinchi pog'onasidan joy oldi. Jamoaviy mashqlarda esa hamyurtlarimiz uchta kumush medalni (ko'pkurash va 2 final) qo'lga kiritishdi.