Norvegiya klubi o'yinchisini pul o'g'irlagani uchun ishdan bo'shatdi

«Molde» jamoasi markaziy himoyachisi Vegard Forren bilan tuzgan shartnomani bekor qilganini e'lon qildi.

Bu haqda klub rasmiy sayti xabar berdi. Rahbariyatning bunday qarorga kelishiga sabab sifatida Forrenning klub umumiy g'aznasidan pul o'g'irlagani va qimor o'yinlariga ishlatgani keltirilgan.

«Bu klubdagi faoliyatimni qayg'uli yakunlash usuli edi, lekin qilmishim menga bo'lgan ishonchning yo'qolishiga olib keldi. Oilam, do'stlarim, jamoadagi sheriklarim, muxlislar va klubdan kechirishlarini so'rab qolaman. Mana shu muammo meni 15 yil ta'qib qildi. Ushbu davrda juda xafa edim, chunki jamoada kam o'ynadim. O'yin amaliyoti muammolardan qutulishning men uchun yagona yo'li edi», — deya futbolchining so'zlarini keltiradi "Rbnett" nashri.

Forren o'tgan mavsum Norvegiya chempionatida 19 o'yin o'tkazdi.