«Bavariya» tibbiy niqob savdosidan qancha pul ishlagani ma'lum bo'ldi

Myunxenning "Bavariya" klubi tibbiy niqob savdosidan 250 ming evro ishlab oldi. Bu haqda klub rasmiy sayti xabar tarqatdi.

Niqoblar chempionlar ligasi 1/8 final bosqichidan o'rin olgan "Chelsi"ga qarshi o'yin uchun chiqarilgan sharflardan tayyorlandi. Niqoblar sotilishida klubning ikki futbolchisi Yozua Kimmix va Leon Goretskalar ishtirok etdi.

Ma'lumotlarga ko'ra, sotuvdan tushgan mablag' koronavirus ta'siriga qarshi kurashish uchun "WeKickCorona" fondiga yo'naltiriladi.