Xoland hakam bilan to'qnashuvda jarohat oldi

Dortmundning «Borussiya» klubi hujumchisi Erling Xoland Germaniya chempionatining 28-turi doirasida bo'lib o'tgan «Bavariya»ga qarshi o'yinda (0:1) jarohat oldi.

19 yoshli futbolchi bosh hakam Tobias Shtiler bilan to'qnashuv oqibatida jarohat oldi. Bahsning 69-daqiqasida referi markaziy aylana ichida ortga qarab harakatlanish paytida norvegiyalik futbolchining oyog'ini bexosdan bosib oldi.

«Ayntraxt» klubi sobiq hujumchisi, hozirda "Viasport" telekanali eksperti bo'lib ishlayotgan Yan-Oge Fortoftning tvitter orqali xabar berishicha, Xoland tizzasida og'riq his qilgani uchun o'zini almashtirishlarini so'ragan.