APLda testning uchinchi bosqichida 4ta koronavirusga chalinish aniqlandi

Angliya Premer-ligasi koronavirusga o'tkazilgan testning uchinchi bosqichida 4 kishida infektsiya aniqlanganini ma'lum qildi. Ular 3ta klubning vakillari ekani ham aniq bo'ldi.

Uchinchi bosqichda futbolchilar, murabbiylar va klublar xodimlari — jami 1008 kishi testdan o'tkazildi. Koronavirus aniqlangan kishilar 7 kunlik karantin muddatini o'tashadi.

APLda 3ta bosqichdan so'ng jami 12 kishida infektsiya aniqlandi (birinchi bosqichda — 6ta, ikkinchi bosqichda — 2ta va uchinchi bosqichda — 4ta). Yana bir nechta kundan keyin to'rtinchi bosqich testlari o'tkazilishi rejalashtirilgan.