Pochettino "Nyukasl"ga kimni olib kelmoqchi ekanligi ma'lum

Oldinroq argentinalik mutaxassis Maurisio Pochettino hamda "Nyukasl"ning yangi rahbarlari o'zaro kelishib olgani haqida xabar bergan edik.

Xabarlarga ko'ra, Pochettino allaqachon "Nyukasl"ni orzusidagi jamoaga aylantirish harakatini boshlab yubordi. U klubga "Tottenxem" hujumchisi Xarri Keynni olib kelmoqchi. Angliyalik hujumchi agar "shporlar" sovrinlar uchun harakat qilmasa, jamoadan ketishini aytib o'tgandi.

Bordi-yu Pochettino Keynni shimolga olib kelolsa, bu "Tottenxem" prezidenti Daniel Levi uchun munosib javob bo'ladi, boisi Levi joriy mavsum boshlanganidan bir necha oy keyin Pochettinoni bo'shatgandi.