«Klopp, balki uni vanihoyat «Liverpul»ga olib ketarsan?»

«Maynts» klubi matbuot xizmati Bundesliga 27-turida «Leyptsig»ga qarshi kechgan o'yindagi (0:5) mag'lubiyatga munosabat bildirdi.

Timo Verner Maynts shahri klubiga qarshi o'yinda uchta gol urdi. Mazkur jamoalarning birinchi davradagi to'qnashuvida (0:8) ham Verner het-trik muallifiga aylangandi.

Uchrashuvdan so'ng jamoa matbuot xizmati «Liverpul» bosh murabbiyi Yurgen Kloppga murojaat qildi.

«Maynts» bir mavsumda ikki bor het-trik qayd etgan Vernerni yomon ko'rishi kerakligi haqidagi tvitga klub rasmiy Twitter akkaunti quyidagicha javob bergan: «Klopp, balki uni vanihoyat «Liverpul»ga olib ketarsan?».

Avvalroq «Liverpul» Verner xizmatlariga qiziqish bildirayotgani xabar qilingandi. Klopp esa faoliyatining avvalida «Maynts»da ishlagan. Nemis mutaxassisi 2001—2008 yillar davomida jamoa bosh murabbiyi bo'lgan.