Angliya kubogining kelgusi mavsumida yuzlab jamoalar ishtirok etmasligi mumkin

Angliya kubogining 2020/21 yilgi mavsumida format tomonlama o'zgarish ro'y berishi mumkin.

"The Daily Mail" tarqatgan xabarga ko'ra, Angliyada joriy mavsumni yakunlab qo'yish oqibatida kelgusi mavsumning boshlanishi kechikadigan bo'lsa, Angliya futbol assotsiatsiyasi Kubokning dastlabki bosqichlarini bekor qilishga majbur bo'ladi. Ya'ni dastlabki 4ta liga (APL, Chempionship, Liga 1 va Liga 2)dan pastki divizionlardagi klublar Angliya kubogida ishtirok etishmaydi.

Musobaqaning 2019/20 yilgi mavsumida 739ta klubi ishtirok etgan bo'lib, uning ilk bosqichi avgust oyida bo'lib o'tgan edi. Kelasi mavsumda turnirni o'z vaqtida o'tkazish uchun esa dastlabki bir nechta bosqichdan voz kechish kerak bo'ladi.