Futbol bo'yicha JCh oltin medallari auktsionda 155 ming evroga sotildi

Ayni paytda jahondagi ko'plab savdo-sotiqlar, auktsionlar ham onlayn tarzda olib borilmoqda. O'tkazilgan auktsionlardan biri sport olami uchun ham ahamiyatli bo'lib, unda futbol bo'yicha turli yillardagi 3 ta JChning oltin medallari hamda afsonaviy basketbolchi Kobe Brayantning shaxsiy buyumlari sotuvga qo'yilgan.

Auktsion yakunlariga ko'ra ko'ra JCh-2018 oltin medali 65 ming evro, JCh-2002 oltin medali 46 ming evro, JCh-1994 oltin medali 44 ming evroga sotilgan. Basketbol bo'yicha ikki karra Olimpiya o'yinlari chempioni, 5 karra MBA chempioni Kobe Brayantning shaxsiy buyumlarini harid qilgan tadbirkor buning uchun 185 ming evro to'lashiga to'g'ri keldi.

Frantsuz nashrlari tarqatgan ushbu xabarda aynan qaysi jahon chempionlarining medallari sotilgani haqida ma'lumot berilmagan.