O'zbekiston U-19 ayollar terma jamoasi Namangandagi yig'ini davomida nazorat uchrashuvi o'tkazdi

Xabaringiz bor, O'zbekiston U-19 ayollar terma jamoasi  kelasi yilning aprel oyida bo'lib o'tadigan Osiyo chempionati ikkinchi saralash bosqichiga tayyorgarlik olib bormoqda.    10 dekabrdan Namangan shahrida yig'inga kirishishgan futbolchi qizlarimiz yig'in doirasida "Navbahor Umid" jamoasining 2003 yilda tug'ilgan o'g'il bolalar jamoasiga qarshi o'yin o'tkazdi. Uchrashuv "Navbahor Umid" jamoasining 4:2 hisobidagi g'alabasi bilan yakuniga etdi.

Bosh murabbiy Karima Yo'ldosheva bu kabi nazorat o'yinlari orqali terma jamoaga nomzod futbolchi qizlarning imkoniyatlarini sinovdan o'tkazib olmoqda. O'zbekiston U-19 ayollar terma jamoasining Namangandagi yig'ini 20 dekabrga qadar davom etadi.