«Milliy» stadionida muxlislar arenasi tashkil etildi

Xabaringiz bor, O'zbekiston futbol assotsiatsiyasi va Professional futbol ligasi tomonidan stadionlarga muxlislarni jalb qilish, futbol uchrashuvlari davomida ajoyib muhitni yaratish maqsadida bir qator chora-tadbirlar amalga oshirilmoqda. 

Shu kabi ishlarning davomi sifatida poytaxtimizdagi "Milliy" stadionida muxlislar arenasi tashkil etildi.

Mazkur arenada futbolchi va murabbiylar bilan turli uchrashuvlar o'tkaziladi, muxlislar o'rtasida kibersport bo'yicha turli musobaqalar tashkil etiladi, shuningdek, qiziqarli futbol o'yinlari translyatsiyalari birgalikda katta ekranda tomosha qilinadi. 

Ma'lumki, butun dunyoda bo'lgani kabi O'zbekistonda ham kibersport rivojlanib bormoqda. Endilikda muxlislar futbol o'yinlari bo'ladigan kunlardan tashqari boshqa kunlarda ham "Milliy" stadiondagi arenaga tashrif buyurib, bu erda do'stlar davrasida futbol haqida suhbat qurishlari, kiberfutbol musobaqalarida qatnashishlari mumkin. Yoki shunchaki virtual tarzda futbol o'yinlarini o'ynashlari mumkin. 

Murojaat uchun telefon: +998946067333.