Xargrivz: "Sane dunyoning eng yaxshi murabbiy bilan ishlamoqda, unga yana nima kerak?"

Myunxenning «Bavariya» va «Manchester Yunayted» klublari sobiq futbolchisi Ouen Xargrivz «shaharliklar» futbolchisi Leroy Sanening kelajagi haqida fikr bildirdi.

«Bavariya» – har bir nemis futbolchisi to'p surishni xohlaydigan klub. Agar Sane o'z yurtiga qaytishni va "Bavariya"dek buyuk klubida to'p surishni xohlayotgan bo'lsa, u holda buni to'g'ri qabul qilaman. Biroq, rostini aytadigan bo'lsam, futbol nuqtai nazaridan qaraganda, u «Manchester Siti»dan yaxshi bo'lmaydi. «Manchester Siti»ni tark etish va Gvardiola bilan xayrlashish – oddiy qaror emas.

Ehtimol, bu turmush tarzini tanlashdir. Leroy uyiga yaqin joyda yashamoqchisi? Menimcha, Sane maksimal rivojlanishga erishmoqchi. Agar dunyoning eng yaxshi murabbiyi qo'l ostida shug'ullanayotgan bo'lsang, u holda bu amalga oshadi. Leroydan qanday intervyu olganimni eslayman. U Pepning har bir detalga e'tibor berishini va boshqa darajadagi futbolchilar bilan ishlashini aytgandi. Shunchaki Raxim Sterlingga e'tibor bering. Har bir futbolchida iqtidor bor, ammo, Pep ularning orasidagi eng zo'rlarini tanlab oladi. Agar shunday murabbiyni qo'l ostida o'ynasang, hech qayoqqa ketishing shart emas», – Xargrivzning so'zlaridan iqtibos keltirmoqda Express UK.