«Marat Bikmaev terma jamoaning eng muhim futbolchilaridan biri» – Ektor Kuper

Avstraliya - O'zbekiston uchrashuvidan keyingi matbuot anjumani bo'lib o'tdi. Unda terma jamoamiz bosh murabbiyi Ektor Kuper ishtirok etdi.

“Eldor juda charchab qolgandi. U ko'p mehnat qildi. Shu sababli uni Marat Bikmaevga o'zgartirishga qaror qildik. Terma jamoadagi barcha futbolchilar asosiy tarkibda maydonga tushishga loyiq.

Marat Bikmaev terma jamoaning eng muhim futbolchilaridan biri. Sardor Rashidovga keladigan bo'lsak, u mazkur musobaqaga kelish uchun ko'p mehnat qildi. Osiyo Kubogiga olib kelingan barcha futbolchilar bu erga kelishga loyiq edi.

Endilikda keyingi muhim musobaqalarga yanada jiddiy tayyorgarlik ko'ramiz. Oldimizda Jahon chempionati saralashi kutib turibdi. Biz hozir optimistik ruhdamiz. Avstraliya kabi Osiyo grandlari bilan tengma-teng o'nay olishimizni ko'rsatdik. Endi xatolarni tahlil qilib, o'yinimizni yanada kuchaytirish uchun ish olib boramiz.”, -deydi Kuper.