Angliya Premer Ligasi klublariga 19 maydan guruh bo'lib mashg'ulotlarni boshlashga ruxsat berildi
/ Kiritdi: BestMaster Ko'rilgan: 308
Koronavirus tufayli to'xtab qolgan Angliya Premer Ligasi mavsumni qayta tiklash yo'lida birinchi qadamni tashladi.
Premer Liga matbuot xizmatining ma'lum qilishicha, jamoalar 19 may kunidan boshlab o'z bazalarida mashg'ulotlarni boshlashiga ruxsat berildi.
Klub xo'jayinlari o'rtasida o'tkazilgan ovoz berish jarayonidan so'ng ushbu qarorga kelingan. Shu bilan birga mashg'ulotlar ayrim cheklovlar bilan o'tadi: futbolchilar katta bo'lmagan guruh bo'lib shug'ullanadi va masofa saqlanadi.
Angliya chempionati COVID-19 virusining keng tarqalishi sabab to'xtab qolgandi. 29-turga kelib «Liverpul» 82 ochko bilan yakka peshqadamlik qilmoqda.
16 maydan boshlab Germaniya Bundesligasi o'yinlari start oldi. Shuningdek, La Liga va A Seriyada ham mavsumni davom ettirish borasida harakatlar davom etmoqda. Kuchli beshlik ligalari safiga kiruvchi Frantsiya chempionti esa muddatidan avval yakunlandi.