Islom birdamlik musobaqasi Tokio Olimpiadasi bilan «to'qnashmaslik» uchun qoldirildi

Ma'lumki, har 4 yilda aholisining asosiy qismi Islom diniga e'tiqod qiladigan mamlakat vakillari o'rtasida Islom birdamlik o'yinlari ham o'tkazib kelinadi. 2021 yil Turkiyaning Konya shahri mezbonlik qilishi ko'zda tutilgan mazkur kompleks musobaqa ham noma'lum muddatga qoldirildi.

Bu haqida Islom birdamligi sport federatsiyasining (ISSF) Ijroiya qo'mitasi ma'lum qilmoqda. Bunga sabab esa musobaqaning Tokio Olimpiya va Paralimpiya o'yinlari bilan bir vaqtga to'g'ri kelib qolmasligining oldini olish. Rejaga ko'ra, mazkur musobaqa 20-29 avgust kunlari bo'lib o'tishi ko'zda tutilgan edi.

Xabaringiz bor, koronavirus pandemiyasi sabab Tokio-2020 Olimpiya o'yinlari 23 iyul – 8 avgust, Paralimpiya o'yinlari esa 24 avgust – 5 sentyabr kunlariga o'zgartirilgan edi. So'nggi bor Islom birdamlik o'yinlari 2017 yil Ozarbayjon poytaxti Boku shahrida o'tkazilgan va unda delegatsiyamiz 15 ta oltin, 17 ta kumush hamda 31 ta bronza medallariga sazovor bo'lgan edi.

Manba: olympic.uz