FIFA futzal bo'yicha JChni 2021 yilga ko'chirdi
/ Kiritdi: BestMaster Ko'rilgan: 257
Xalqaro futbol assotsiatsiyalari federatsiyasi (FIFA) ijroqo'm byurosi 2020 yilda o'tkazilishi kerak bo'lgan 3ta musobaqaning yangi sanasini ma'lum qildi.
Shu yilning avgust-sentyabr oylarida Kosta-Rika va Panamada bo'lib o'tishi kerak bo'lgan 20 yoshgacha bo'lgan qizlar o'rtasidagi jahon chempionati 2021 yilning 20 yanvar - 6 fevral kunlariga ko'chirildi.
2020 yilning noyabr oyida Hindistonda o'tkazilishi kerak bo'lgan 17 yoshli qizlar o'rtasidagi JCh 2021 yilning 17 fevral - 7 mart muddatiga ko'chirildi.
Joriy yilning sentyabr-oktyabr kunlariga belgilangan futzal bo'yicha jahon chempionati, kelasi yilning 12 sentyabr - 3 oktyabr kunlari Litvada o'tkaziladigan bo'ldi. Eslatib o'tamiz, futzal bo'yicha Osiyo chempionati shu yilning fevral oyida Turkmanistonda bo'lib o'tishi kerak edi. Ammo koronavirus pandemiyasi tufayli turnir 5-16 avgust kunlariga qoldirildi. Unda dastlabki 5ta o'rinni egallagan jamoa JCh yo'llanmasini qo'lga kiritadi.
Shuningdek, FIFAning 70-kongressi onlayn-konferentsiya shaklida 18 sentyabr kuni bo'lib o'tadi.
Bosh sahifaga
197