«Real»ning 71 yoshli afsonasi Iko Agilar vafot etdi

«Real» matbuot xizmati jamoaning sobiq futbolchisi Iko Agilar vafot etganini ma'lum qildi. U 71 yoshda edi.

Agilar "Qirollik klubi" safida 1971-1979 yillar oralig'ida 190ta o'yinda maydonga tushib, 50ta gol urdi. U besh marta Ispaniya chempionati va ikki marta Ispaniya kubogida g'olib chiqqan.

Agilar, shuningdek, «Rasing», «Sporting», «Rayo Valekano» va Ispaniya terma jamoasi sharafini himoya qilgan.