Yaxshiboev — «Slutsk»ga qarshi uchrashuvning eng yaxshi o'yinchisi

Belarus chempionatining 8-turi doirasida "Energetik-BGU" klubi "Slutsk" klubi mehmoni bo'lib, 2:1 hisobida g'alaba qozondi.

Uchrashuvdagi ikkita golni Jasur Yaxshiboev penaltidan urdi. 11 metrli jarima zarbalaridan biri unga nisbatan ishlatilgan qo'pollikdan so'ng belgilanganini ham ta'kidlash lozim.

O'zbekistonlik futbolchi o'yin davomida yana ikkita qulay imkoniyatdan foydalana olmadi. Aks holda u "poker"ni rasmiylashtirishi ham mumkin edi.

Shunga qaramay, "Energetik" muxlislari uni "Slutsk"ga qarshi uchrashuvning eng yaxshi futbolchisi deb topishdi.

Eslatib o'tamiz, Jasur Yaxshiboev 6ta gol bilan Belarus chempionatining eng yaxshi to'purari bo'lib turibdi.