Ander Errera: «Mbappe 2025 yilda «Oltin to'p»ni qo'lga kiritishi mumkin»
/ Kiritdi: BestMaster Ko'rilgan: 417
«PSJ» yarim himoyachisi Ander Errera jamoadoshi Kilian Mbappeni darajasini yuqori baholadi.
«Mashg'ulotlarda Mbappe bilan taqqoslasak, biz yosh bolaga o'xshab qolamiz. Tezlik borasida u barchani ortda qoldiradi. Go'yoki u Useyn Bolt, biz esa yosh bolalar.
Futbolda tezkor o'yinchilar ko'p, ammo o'yin paytida Kilian to'xtashga, mo'ljal olishga va aniq zarba berishga ulguradi.
O'ylashimcha, 2025 yilda u «Oltin to'p»ni qo'lga kiritish uchun asosiy da'vogar bo'ladi, hattoki uni qo'lga kiritsa ham kerak», — dedi Errera "ESPN"ga bergan intervyusida.
2019/20 yilgi mavsumda Mbappe parijliklar safida 33ta o'yinda maydonga tushib, 30ta gol urdi va 17ta golga uzatma berdi.
Bosh sahifaga
142