Nevill: «Kim hozir Pogba uchun 100 million evro to'lamoqchi?»

Angliyaning «Manchester Yunayted» klubi sobiq himoyachisi Gari Nevillning fikricha, jamoa yarim himoyachi Pol Pogba qulay shartnoma taklif qilinsa yana jamoada qolishi mumkinligi haqida fikr bildirdi.

Frantsiyalik futbolchi bir necha marta jamoadan ketishga harakat qilgan, ammo, hozir uni sotib oluvchi xaridorlar juda kam. Gari Nevillning fikricha, «MYu» Pogba uchun shunchaki osonlik bilan xaridor topa olmaydi. Sobiq futbolchining fikricha, Pogba uchun hatto 80 million evro ham taklif qilishmaydi.

«Koronavirus sharoitida iqtisodiy qayta tiklanishni kuzatish qiziq bo'ladi. Ayni paytda kim Pogba uchun 80-100 million evro to'laydi? Unga shaxsan katta maosh to'lashga kim tayyor?», – dedi Nevill.

Pol Pogbaning "MYu"dagi bir yillik maoshi 15 million funtga yaqin mablag'ni tashkil etadi.