Ana xolos! "Tottenxem" bilan kelishuvga erishgan futbolchi "Chelsi"da qolishi mumkin
/ Kiritdi: BestMaster Ko'rilgan: 387
Angliyaning "Chelsi" klubi bosh murabbiyi Frenk Lempard jamoa yarim himoyachisi Villian bilan yangi shartnoma imzolash uchun bor kuchini ishga solmoqchi.
Avvaliga Villain "Chelsi" klubidan uch yillik yangi shartnoma talab qilgandi, lekin "ko'klar" unga ikki yillik bitim taklif qilishdi, natijada muzokara boshi berk ko'chaga kirib qolgandi.
Lempard tajribali futbolchini yo'qotishni istamayapti va sobiq darvozabon, ayni paytda "Chelsi"ning transfer siyosati bo'yicha maslahatchisi Petr Chexga braziliyalik futbolchi bilan gaplashishini buyurdi. Biroq, Chexning harakatlariga qaramay, Villian baribir "Chelsi" uning talablarini qondirishini talab qilmoqda, deya xabar tarqatmoqda ESPN.
Villianga Frantsiyaning "PSJ" klubi ham qiziqish bildirayotgandi, biroq, futbolchining o'zi Londonda qolishni afzal bildi, chunki, bu shahar uning oilasi uchun juda qulay hisoblanadi. Agar "Chelsi" Villianning talabini qondirmasa, u holda braziliyalik yarim himoyachi yo "Arsenal" yoki "Tottenxem" klubiga o'tadi.
Avvalroq, Villian "Tottenxem" klubi bosh murabbiyi Joze Mourinoga va'da bergani haqida xabar tarqagandi.