UEFA milliy chempionatlarga «bahor-kuz» tizimiga o'tishni maslahat berishi mumkin

UEFA qit'adagi musobaqalarni "bahor-kuz" tizimiga o'tkazish g'oyasini o'ylab ko'rmoqda.

Mazkur tashabbus 2019/2020 yilga mavsumni oxiriga etkazib qo'yish istagi bilan bog'liq bo'lib, g'oya amalga oshiriladigan bo'lsa, to'xtab qolgan chempionatlar 2020 yilning avgust-noyabr oylarida davom ettiriladi.

Keyingi mavsum esa 2021 yilning fevral-mart oylarida boshlanishi mumkin. Bu esa musobaqalarni 2022 yilning noyabr-dekabr oylarida Qatarda o'tkaziladigan Mundialga moslashtirish imkonini beradi.

UEFA bu rejani amalga oshirishga qat'iy qaror qilsa, o'z tavsiyasini 15 mayga qadar milliy futbol assotsiatsiyalariga yuboradi.