Neymar bitta rasmiy uchrashuvda maydonga tushishi necha pul ekanligini bilasizmi?

Marca nashri muxbirlari Frantsiyaning "PSJ" klubi hujumchisi Neymarning har bir uchrashuvdan qancha miqdorda mablag' ishlab olishini hisoblab chiqishdi.

2017 yili "PSJ" braziliyalik futbolchi uchun "Barselona" klubiga 222 million evro o'tkazib bergan va yiliga 37 million evro maoshni o'z ichiga olgan shartnoma imzolagan.

28 yoshli hujumchi parijliklar tarkibida 3 yil to'p surdi va 111 million evro ishlab olishga ulgurdi.

Shu bilan birga, braziliyalik futbolchi jiddiy jarohat va diskvalifikatsiyalar sabab, ko'plab uchrashuvlarni o'tkazib yubordi. U jamoaga kelib, shu kungacha jami bo'lib 80 ta uchrashuv o'tkazdi.

Shu tariqa, Neymarning "PSJ"dagi har bir uchrashuvi 4,16 million evroni tashkil qilmoqda.