«Inter» Shkrinyarga yangi narx belgiladi. Futbolchiga PSJ, «Real» va «Man Siti»dan qiziqish bor

«Inter» himoyachi Milan Shkrinyar uchun belgilagan narxini pasaytirdi.

Football Italia’ning xabar qilishicha, milanliklar 25 yoshli futbolchi uchun 70 million evro so'ramoqda. Avvalroq slovakiyalik himoyachi klub tomonidan 80 millionga baholanayotgandi. «Inter» koronavirus sabab yuzaga kelgan moliyaviy inqiroz asoratlarini engillashtirish maqsadida o'yinchini pullamoqchi.

Shkrinyarga PSJ, «Real» va «Manchester Siti» jamoalaridan qiziqish bor.

2019/20 yilgi mavsumda futbolchi «Inter» safida 32 o'yin o'tkazdi, uning hisobida bitta samarali uzatma bor. Transfermarkt portali Milanni 48 million evroga baholagan.

Manba: daryo.uz