Nihoyat «Energetik-BGU» g'alaba qozondi, Yaxshiboev gol urdi

Bugun Belarus chempionatining 7-turiga start berildi. «Energetik-BGU» klubi safarda «Smolevichi» klubi mehmoni bo'lib, g'alaba qozondi.

"Talabalar" safida Jasur Yaxshiboev va Shahboz Umarov uchrashuvni asosiy tarkibda boshlashdi. Bahsning 17-daqiqasida mehmonlar hisobni ochishdi. Jasur raqib jarima maydoniga kirayotganida, to'p "podkat" tashlagan himoyachiga tegib, Tvega borib tushdi. David bir himoyachini aldab o'tdiyu, o'tkir burchak ostida darvozaning olis yuqori burchagini aniq nishonga oldi.

Bahsning 61-daqiqasida Umarov zaxiraga olindi. Yaxshiboev esa uchrashuv oxirigacha harakat qilib, ikkinchi bo'limga qo'shib berilgan daqiqalarda «Smolevichi» darvozasi tomon belgilangan penaltidan samarali foydalandi.

Shu tariqa, "Energetik" ketma-ket 3ta mag'lubiyatdan keyin g'alaba qozongan bo'lsa, Yaxshiboev golsiz seriyasiga barham berdi.

Ushbu g'alabadan keyin «Energetik-BGU» 12 ochko bilan jadvalda 3-o'ringa ko'tarilib oldi.

Belarus chempionati, 7-tur
Smolevichi – Energetik-BGU - 0:2 (0:1)
Gollar: 0:1 – 17 Tve, 0:2 – 90+6, penalti Yaxshiboev.
Smolevichi – Filtsov, Jevnerov, Rashenya, Barsukov, Djigero (Veras, 68), Kotov, Aleksandrovich (Alibekov, 78), Makarov, Butarevich, Po, Muxamedov (Turik, 60).
Energetik-BGU – Lesko, Yudchits (Girs, 64), Sokol, Shkurdyuk, Svirepa, Mavatu, Nosko, Yaxshiboev, Umarov (Bakich, 65), Tve, Musaxanyan (Sovpel, 56).
Ogohlantirishlar: Kotov (20), Rashenya (34), Svirepa (70), Girs (88), Turik (89), Filtsov (90).
Chetlatishlar: Svirepa (84), Kotov (86).