Nevill APLning qolgan qismini boshqa mamlakatda o'tkazishni taklif qildi

«Manchester Yunayted» klubi sobiq futbolchisi, hozirda ekspertlik qilayotgan Gari Nevill Angliya chempionatini boshqa mamlakatda o'tkazishni taklif qildi.

«Agar haqiqatan ham xavfsiz muhitda o'tishini istasak, o'yinlarni 3-4 soatlik masofada joylashgan boshqa mamlakatda o'tkazish mumkin. Bunday holatda futbolchilar, murabbiylar, klub xodimlari va OAV ikki hafta karantinda o'tirib, shundan so'ng koronavirusdan xoli mamlakatga yo'l olish mumkin. Evropada bir nechta shunday mamlakat mavjud. Buyuk Britaniyada hozirda kerakli xavfsizlikni ta'minlashning iloji yo'q deb o'ylayman», — dedi Nevill.