Toshkentda Osiyo ot sporti federatsiyasining Bosh Assambleyasi o'tkazilmoqda

Xabar berib o'tganimizdek, Toshkent shahri Osiyo ot sporti fedaratsiyasining Bosh Assambleyasiga mezbonlik qilmoqda.

Ushbu yig'ilishda qit'amizning 16 mamlakatidan vakillar ishtirok etishmoqda. Shuningdek, Osiyo ot sporti federatsiyasi prezidenti, Qatar qirollik oilasi a'zosi Shayx Hamad Al-Attiya ham yurtimizga tashrif buyurgan.

Yig'ilish davomida Osiyo ot sporti federatsiyasi nizomiga o'zgartirish kiritish hamda O'zbekistonda konkur bo'yicha o'smirlar o'rtasidagi IV Osiyo chempionatini o'tkazish, shuningdek boshqa bir qator masalalar muhokama qilinadi.

Shuni alohida qayd etish lozimki, 20 yillik tanaffusdan so'ng nizomga o'zgartirish kiritish tashkilot uchun tarixiy voqea hisoblanadi. 12 dekabr kuni esa Osiyo ot sporti federatsiyasi prezidenti Hamad Al Attiya yig'ilish yakunlari bo'yicha chiqish qilishi kutilmoqda.