APL futbolchilari niqob taqib mashg'ulot o'tkazishadi

Angliya premer-ligasi o'yinchilari, qabul qilingan yangi qoidaga ko'ra, mashg'ulot paytida niqob taqib olishadi. Bu haqda "Sky Sports" xabar tarqatdi. Qoidalarning to'liq ro'yxati juma kuni klublar ishtirokidagi yig'ilishda muhokama qilinadi.

Mashg'ulotlar boshlanishidan 2 kun oldin barcha futbolchilar va rasmiy shaxslar koronavirusga test topshirishadi. Bundan tashqari, ular doimiy ravishda tekshiruvdan o'tib turishadi. O'yinchilar ekipirovkasi va sport anjomlari mashg'ulotdan oldin va undan keyin dezinfektsiya qilinadi. Mashg'ulotlar esa dastlab 5 kishilik kichik guruhlarda o'tkaziladi.

Angliya chempionati 8 iyun kuni qayta boshlanishi rejalashtirilmoqda.