Aguero: «Qandaydir fojia ro'y bermasa, Messi «Barselona»da qoladi»

«Manchester Siti» hujumchisi Serxio Aguero Argentina termasidagi jamoadoshi Lionel Messining «Barselona»dagi kelajagi borasida o'z fikrini bildirib o'tdi.

Eslatib o'tamiz, Messining kataloniyaliklar bilan amaldagi shartnomasi 2021 yilning yoziga qadar tuzilgan.

«Messi — «Barselona» afsonasi va ramzi hisoblanadi, ammo futbolda hamma narsa ro'y berishi mumkin. Leo «Barselona»ni yaxshi ko'radi va u bu jamoa safida o'zini baxtli his qiladi.

Qandaydir fojia ro'y bermasa, Messi «Barselona» safida o'ynashda davom etadi», — dedi Aguero.

Manba: sport24.ru