Evropaning yana bir chempionati boshlanish vaqti aniq bo'ldi

Shveytsariya federal kengashi bugun, 29 aprel kuni karantin bilan bog'liq choralarni yumshatdi. Bu sportga ham tegishli bo'lib, Superliga klublari 8 may kuni to'laqonli mashg'ulotlarni boshlashlari mumkin.

8 iyun kuni mavsum qayta boshlanishi kutilmoqda. Lekin uchrashuvlarga tomoshabinlar kiritilmaydi. Ma'lumot o'rnida, Shveytsariya Superligasida so'nggi marta 23 fevral kuni o'yinlar o'tkazilgan edi. 23-turdan keyin "Yang Boyz" va "Sankt-Gallen" klublari 45 ochko, "Bazel" esa 40 ochko jamg'argan.

Eslatib o'tamiz, Evropada Niderlandiya va Frantsiya chempionatlari rasman yakunlangan. Belgiya chempionati esa shunga yaqin turibdi.