«PSJ» o'yinchilari maoshning qisqartirilishiga rozi bo'lishmadi

«Pari Sen-Jermen» maoshlarning qisqartirilishi borasida o'yinchilar bilan bir to'xtamga kela olmayapti. Bu haqda "L'Equipe" xabar tarqatdi.

Manbaga ko'ra, muzokaralar jarayonida futbolchilar manfaatlarini Tyago Silva va Markinos himoya qilmoqda. Hozirgi paytda muzokara boshi berk ko'chaga kirib qoldi.

Hisob-kitoblarga qaraganda, iqtisodiy inqiroz tufayli «PSJ» 240 mln evro miqdorida zarar ko'radi. Frantsiya chempionati esa muddatidan oldin yakunlandi.