A seriya 14 iyun kuni qayta boshlanmasa, mavsum muddatidan oldin yakunlanadi

Italiya chempionati klublari ushbu mavsumning eng kech boshlanish muddatini belgilab olishdi.

Avvalroq Italiya bosh vaziri Juzeppe Konte 4 may kunidan boshlab karantin choralari yumshatilishini, 18 maydan boshlab esa jamoalar mashg'ulotlarni boshlashlari mumkinligi haqida aytib o'tgan edi.

ANSA agentligi tarqatgan xabarga ko'ra, agar 14 iyun sanasiga mavsum qayta boshlanmasa, A seriya muddatidan oldin yakunlangan deb e'lon qilinadi.

Ma'lumot o'rnida, Italiyaning 12ta klubi mavsumni oxirigacha o'ynash tarafdori bo'lsa, 8ta klub — «Torino», «Sampdoriya», «Fiorentina», «Udineze», «Parma», SPAL, «Breshiya» va «Bolonya» mavsumni bekor qilishni istamoqda.