Doha va Ar-Riyod XXI Osiyo o'yinlarini o'tkazishga da'vogarlik qilmoqda
/ Kiritdi: BestMaster Ko'rilgan: 286
Osiyo Olimpiya Kengashi (OOK) 2030 yilda Osiyo o'yinlarini o'tkazish uchun yana ikkita buyurtma olganligini e'lon qildi.
Qatarning Doha va Saudiya Arabistonining Ar-Riyod shaharlari 2030 yil bo'lib o'tadigan XXI Osiyo o'yinlarini o'tkazish to'g'risida rasmiy buyurtma berishdi. Ushbu mamlakatlar Milliy Olimpiya qo'mitalarining tender hujjatlariga Doha va Ar-Riyod shaharlari hamda ushbu davlatlar hukumatlarining Osiyo o'yinlarini qabul qilishga tayyor ekanliklari bayon etilgan ramiy murojaatlari ilova qilingan.
Bu o'rinda 2006 yilda Dohada XV Osiyo o'yinlari bo'lib o'tganligini, ammo Saudiya Arabistonida OOKning rasmiy musobaqlari umuman o'tkazilimaganlini eslab o'tish mumkin.
Osiyo Olimpiya Kengashining prezidenti shayx Ahmad al-Fahad as-Sabah shunday bayonot berdi: “OOK 2030 yilgi Osiyo o'yinlarini o'tkazish uchun ikkita yaxshi buyurtma olganligidan mamnun. Bu Osiyoda Olimpiya harakatiga ishonch dalolatidir va bizning jahon darajasida yirik ko'lamda sport tadbirlarini o'tkazish bo'yicha obro'mizni yanada oshiradi. Ushbu buyurtmalar tufayli bizda endilikda 2030 yilgi Osiyo o'yinlarini o'tkazish bo'yicha barqarorlik hamda bo'lajak o'n yil davomida sport harakatimizda izchillik mustahkamlandi. Bu, shuningdek, Osiyoning global Olimpiya harakatida asosiy sherik ekanligini tasdiqlaydi. Bu Milliy Olimpiya qo'mitalarimizga, bizning ma'muriyatimizga va, eng avvalo, sportchilarimizga qisqa, o'rta va uzoq muddatli aniq istiqbol rejalarini tuzish imkonini beradi”.
Ma'lumki, XIX Osiyo o'yinlari 2022 yilda Xitoyning Xanchjou, XX Osiyo o'yinlari 2026 yilda Yaponiyaning Ayti-Nagoya shaharlarida bo'lib o'tadi.
OOK 2020 yil 23 yanvarda barcha 45 ta Milliy Olimpiya qo'mitalariga 2030 yildagi XXI Osiyo o'yinlariga tender o'tkazilishi ma'lum qilingan farmoyishni yuborgan edi. Bunda ana shu o'yinlarga buyurtma berishning so'nggi muddati 22 aprel qilib belgilangan.
XXI Osiyo o'yinlari mezboni va tashkilotchisining tanlanishi Xitoyning Sane shahrida VI Osiyo sohil o'yinlari arafasida – 2020 yil 29 noyabrda bo'lib o'tadigan OOKning Bosh Assambleyasida hal etilishi kutilmoqda.
Avvalgi Osiyo o'yinlari quyidagi shaharlarda bo'lib o'tgan: 1951, Nyu-Deli, Hindiston; 1954, Manila, Filippin; 1958, Tokio, Yaponiya; 1962, Jakarta, Indoneziya; 1966, Bangkok, Tailand; 1970, Bangkok, Tailand; 1974, Tehron, Eron; 1978, Bangkok, Tailand; 1982, Nyu-Deli, Hindiston; 1986, Seul, Koreya; 1990, Pekin, Xitoy; 1994, Xirosima, Yaponiya; 1998, Bangkok, Tailand; 2002, Pusan, Koreya; 2006, Doha, Qatar; 2010, Guanchjou, Xitoy; 2014, Inchxon, Koreya; 2018, Jakarta-Palembang, Indoneziya.
Eslatib o'tamiz, 2030 yilgi Osiyo o'yinlarini qabul qilish uchun O'zbekiston, Filippin va Hindiston davlatlari ham da'vogarlik qilishmoqda.
Bosh sahifaga
238